Euskal Autonomia Erkidegoko Justizia Auzitegi Nagusiak atzera bota du covid ziurtagiri digitalaren indarraldia beste bi astez luzatzeko eskaera. Izan ere, auzitegiaren ustez, Jaurlaritzak «ez du behar bezala justifikatu kutsatzeak saihesteko ziurtagiriak duen eraginkortasuna».
Honek guztiak, hala ere, ez du esan nahi Euskal Autonomia Erkidegoan ez dela Covid ziurtagiririk eskatuko. Izan ere, abenduan Gotzone Sagardui Osasun
sailburuak izenpetutako agindua oraindik indarrean dago, eta, beraz, EAEn, 50 jankidetik gorako jatetxeetan eta gaueko aisialdian «nahitaezkoa izango da ziurtagiria erakustea»
Aldiz, ez da ziurtagiririk beharko hainbat lekuetan, hala nola, kontzertu aretoetan, kiroldegi eta gimnasioetan, kirol instalazio txikietan eta ospitaleetan.
Horrez gain, hoteletan, ostatu turistikoetan eta joko-aretoetan ere ez da ziurtagiririk beharko Auzitegi Nagusiak uko egin baitio establezimendu horietara zabaltzeko eskaerari.
Hala ere, Eusko Jaurlaritzak «zentzugabetzat» jo zuen atzo hartutako erabaki hau, eta aipatu zuen erabakia onartu badu ere, ez duela adostutakoarekin
bat egiten. Ez du «zentzuzkoa» ikusten ostalaritzan, gimnasioetan, ospitaleetan, adinekoen egoitzetan eta kartzeletan ziurtagiriaren erabilera errefusatzea.