Larunbatean jokatu zuten Master Txapelketako bigarren prebia, eta pronostikoak bete zituen Imanol Ansa urnietarrak: 30-17 nagusitu zitzaion Ander Goikoetxea herrikideari. Horrela, semifinaletara pasea lortu du Ansak, eta Javier Urriza izango du aurrez aurre, finalerako txartelaren bila.
Ikusgarriagoak izan ziren jaialdiko beste bi partiduak Galarretan, Kemen Aldaberen, Xabier Azpirozen eta Josetxo Ezkurraren estreinaldiarekin. Aurrenekoan, Aritz Zubiri goizuetarra eta Aldabe nagusitu ziren, Etxarriren eta Azpirozen kontra (35-34). Etxarrik ere, aurrenekoz jokatu zuen, min hartu eta 10 hilabetez kantxatik kanpo egon ondoren. Eta bigarrenean, Ezkurrak eta Juaneneak (aurrenekoz atzelari gisa) irabazi zuten, Segurolaren eta Endika Barrenetxea hernaniarraren kontra (40-36).