Odola emateko aukera izango da datozen egunetan. Astelehenean, urtarrilaren 31n, goizuetarrek dute hitzordua, arratsaldeko 17:30etatik 20:30etara bitartean. Aurreratu dute zita daukatenak onartuko dituztela bakarrik. Horretarako, deitu 848 42 05 73 telefono zenbakira edo, bestela, eskatu txanda www.adona.es webgunean. Harrera mediku kontsultan egingo da eta odol ematea, plazan. Asteartean, berriz, otsailaren 1ean, Hernanin izango dira estrakzioak. Azkeneko txanden moduan, Iturolan izango dira, 16:30etatik 20:30etara. Hernaniarrek ere izena eman behar dute 943 007 884 telefonoan.