Euskal Herriko Kluben arteko Ligan jokatu zuten finala, Amaia Irazustabarrenak eta Ariane Arrietak nagusien mailan. Gasteizeko Ogeta frontoian jokatu zen Hernaniren eta Errekaleorren arteko norgehiagoka, eta hernaniarrek jantzi zuten Euskal Herriko Kluben arteko Ligako txapela, 30-18 irabazita.
Horrez gain, paleta larruzko Bizkaia Torneoan semifinalak ere jokatu zituzten. Bertan, Maider Huizi hernaniarrak eta Nagore Martinek Ariane Arrieta eta Uxue Agirresarobe garaitu zituzten: 2-0. Eta beste partiduan, Amaia Irazustabarrenak jokatu zuen Leire Etxanizekin, eta garaipen lortu zuten (2-1).
Trinkietean, kadete mailan, hernaniarren arteko finala
Eskuz, berriz, trinketean izan zituzten partidu garrantzitsuenak, Gipuzkoako Txapelketan. Xuban Iturbek 30-10 garaitu zuen aurkaria, eta Oier Azpeitiak 30-25 irabazita bi hernaniarrek elkarren artean jokatuko dute finala.
Azpimarratzekoa da Ekhi Oses infantilak Lizarran jokatzen den Suministros Monjardin Txapelketan izan duen asteburu ona. Ostiralean Baleztenaren (Leitza) aurkako final-laurdenak jokatu zituen 18-5 irabaziz, eta igandean finalerdia jokatu zuen Bidarteren (Leitza) aurka, 18-10 garaipena errepikatuz. Finala datorren igandean jokatuko du Lizarran. Hodei Exposito ere Malerrekako Torneoko finalera sailkatu da