Joan den asteburu honetan, bailarako eskubaloi taldeek, hiru partidu zituzten; eta haietako bat atzeratu egin zen. Gipuzkoako 2. mailako Hernaniko mutilek Urolaren aurka jokatu zuten Zumarragan, eta 24-28 amaitu zen partidua, Hernani garaile aterata. Mundarroko neska kadeteek Ingou Arrasate Aren aurka neurtu zituzten indarrak igandean, etxean. Borrokatutako partidua izan bazen ere, talde moreak ez zuen garaipena lortu eta 9-11 bukatu zen partidua, Arrasatek irabazita. Azkenik, Hernaniko neska kadeteek, Ingou Arrasate B taldearen aurka jokatzekoak ziren, baina hainbat arrazoi medio, atzeratu egin zen.