Iruditan

Etengabeko euriteengatik, berriro Urumea ibaia aterata

Añarbek helarazitako datuen arabera, goizeko 09:50etan, 2,323 metrotakoa zen Urumea ibaiaren maila. Azken ordubetean, euri gutxiago egin du eta horrek ibaiaren maila zertxobait jaistea eragin du. 

Bart gaueko euriteek, Urumea ibaia ateratzea eragin dute. Gaueko 00:00etan, 1,786 metroko maila zuen Urumea ibaiak, eta emariak gora egin du orduak pasa ahala. Goizeko 9:40etan, 2, 323 metrotara igo da, baina azken orduan euri kantitateak behera egin du eta, beraz,  ibaiaren maila apur bat jaitsi da: 2,318. 

Euriteengatik, Urumea bailarako hainbat txoko urez beteta daude, hala nola, Zubipe, Landare, Karabeleko baratzak eta Ibai parkea, besteak beste. 

 

 

Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!