Gabonetako geldialdiaren ondoren, bueltan dira, berriro ere, Mundarroko eta Hernaniko taldeen saskibaloi partiduak.
Gipuzkoako lehenengo mailan, astigartarrek gaur jokatuko dituzte norgehiagokak: batetik, nesken taldeak Oiarso izango du aurrez aurre, arratsaldeko 18:00etan, Don Bosco kiroldegian; eta bestetik, mutilen taldeak Santo Tomas Lizeoaren aurka neurtuko ditu indarrak, kiroldegian, 18:00etatik aurrera.
Hernaniko mutilen taldeak, aldiz, bihar jokatuko du jardunaldi honetako partidua, Gipuzkoako lehenengo mailan. Inter de Mitente izango du aurkari, eguerdiko 12:00etan. Etxetik kanpo izango du partidua; Benta Berri kiroldegian, hain justu, Donostian. Taldeak sailkapen orokorrean gora egiteko borrokatuko du; une honetan, erdialdean dago bost garaipenekin, Mundarrok baino bi gutxiago.