Abenduko eta urteko azken Osoko Bilkurak izango dira bihar Hernaniko eta Astigarragako udaletxetako Pleno aretoetan. Hernanikoa, arratsaldeko 18:00etan hasiko da eta Astigarragakoa berriz 18:30etan. Bietan zazpi puntuko gai ordena dago iragarrita eta Hernanin 2022ko aurrekontuak onartzeko bozkaketa da puntu nagusia. Astigarragan, Sagardoetxearen etorkizunari buruzko herri-galdeketaren antolakuntzarako irizpideak aztertuko dira, baita Garapenerako Lankidetza Programako larrialdietarako laguntzak finantzatzeko dirulaguntzak ere seigarren puntuan.