Kronikalari kanpainaren barruan, produktu berriak egin ditu Kronikak, bere oinarriekin eta Urumea bailarako herritarrekin bat datozen mezuak jasota. Zehazki, botilak eta telazko poltsak egin ditu, eta herritarrek dagoeneko eskuragarri dauzkate, Dobera-Kronikaren bulegoan (Larramendi kaleko 11, behea). Gaur bertan, gainera, Sortzaileon Azokan ere egongo dira salgai, goizeko 10:00etatik 14:00etara, Atsegindegin.
Botila eta poltsa horietan, bi mezu nagusi jaso dira. Batetik, Kronikaren hiru oinarri nagusiak: komunikazioa, tokikotasuna eta euskera. Bailarako herritarren, enpresen eta elkarteen artean ere, oso errotuta dauden hiru ardatz.
Eta bestetik, bailarako herritarrei eta komunitateari erreferentzia egiten dion mezu bat jaso du bertan:
Herritarrek egiten dute herria, herriek bailara, eta denon artean komunitate bakarra. Zurekin, gurekin, bertatik bertara.
|
PREZIOAK SALMENTA-GUNEAK |