Lokatzezko hondartzak, uholdeen biharamunean

Lokatzez beteta esnatu dira Urumea bailarako txoko asko, pasa den astean izandako euriteen eraginez. Bi egunetan euririk egin ez badu ere, lokaztuta daude Zubipe, Landare, Andre Gobadarien ibai parkea, Karabeleko, Ergobiko hainbat leku, eta bailarako beste txoko asko.



Udal langileak, klubetako zu­zendariak zein herritarrak, lokaztutako eremu hauetan lanean ari dira, «egoera hobetu nahian». Horregatik, laguntza eskatu dute, Zubipetik adibidez: «denon beharra daukagu zelaia garbitu eta entrenamenduetara  itzultzeko. Zenbat eta herritar gehiago, orduan eta hobeto, egoera larria baita», ohartarazi du CD Hernaniko zuzendaritzak, erabat atsekabetuta.

Eurite-gertakaria amaitutzat eman du Añarbek
Añarbek, bestalde, egokitzat jo du egungo eurite-gertakaria bukatutzat ematea, Urumeak «normal­tasun egoera lortu duelako».  

Landaren oraindik putzu mordoa dago, eta eremua lokatzez beteta. 

 

 

Andre Gobadarien ibai parkea itxita dago, oraindik lokatza eta putzuak daudelako. 

 

 

Bi langile atzo, Ergobiko ibai ondoko pasealekua garbitzen. 

 

 

Karabeleko negutegietan lokatz ugari pilatu da, eta oraindik eremu batzuk bustita daude.