Haize bolada gogorrak eta euri zaparrada haundiak ari dira izaten protagonista gaur goizean, eta horren ondorioz, zuhaitza erori da Aranora igotzeko bidegurutzetik gertu. Hori horrela, moztuta dago Hernanitik Goizuetara joateko errepidea, puntu horretan. Izan ere, bidea alderik alde hartu du zuhaitzak. Bidegurutzetik Hernani aldera dago eroritako zuhaitza.
Goizuetako Suhiltzaileak oraintxe abiatu dira bertara bidean, zuhaitza kendu eta errepidea garbitzeko, zirkulazioa berriro martxan izan dadin.