Eguraldi kaxkarrak ez ditu bailarako futbolariak gelditu, izan ere, iragarritako partidu guztiak jokatu zituzten bailarako talde moreek eta berdeek.
Hernaniko Ohorezko Erregional Mailan, mutilek, 0-1 garaitu zuten Añorga, azken minutuan, Aitor Elizaldek penaltiz sartutako golarekin.
Nesketan, aldiz, ez zuten garaipenik lortu. Igandean jokatu zuen talde berdeak Eibarren aurka, etxean, eta 1-2 emaitzarekin, Eibar nagusi izan zen. Hernaniren gola, Ainhoa Ortiz de Urbinak sartu zuen.
Mundarrok, garaipenak
Astigarragan, berriz, garaipenak izan dira nagusi, bai nesketan eta mutiletan. Gorengoen mailan, mutil moreek 1-0 irabazi zuten talde usurbildarraren aurka.
Nesketan, berriz, sekulako garaipena lortu zuten moreek. Izan ere, 6-0 irabazi zuten Intxaurdiren aurka, Zarkumendegin jokatuta. Momentu honetan, laugarren postuan doaz neska moreak, 19 punturekin.