Asteburuko partiduak ostiralera aurreratu, eta gaur jokatuko dute Mundarroko neskek eta Hernaniko mutilek, Gipuzkoako lehenengo mailan.
Etxean ariko dira astigartarrak: Internacional taldea hartuko dute kiroldegian, iluntzeko 19:40etan hasita. Bi asteburutan atseden hartu ondoren, lehiara bueltatuko da Mundarro. Ligako laugarren partidua izango du, eta estreinako garaipena lortzen saiatuko da. Ez du partidu erraza izango horretarako, ordea: hirutik hiru irabazi ditu Internacionalek, orain arte.
Hernaniarrek, berriz, Donostian daukate hitzordua, Santo Tomas Lizeoa ikastetxean. Izan ere, aurrez aurre izango dute Santo Tomas Lizeoa, iluntzeko 20:00etan hasita. Bosgarren garaipena bilatuko du Hernanik, eta horrekin, hain justu, talde donostiarra berdinduko luke sailkapenean.
Mundarroko mutilek bihar jokatuko dute, 18:00etan Debako kiroldegian, Debasketen kontra.