Dobera-Kronikak Sortzaileen Azoka antolatu du abenduaren 18rako, eta bihar da izena emateko azken eguna. Interesa dutenek, helbide elektroniko honetara bidali beharko dute mezua: kronika@kronika.eus. Helburua da sorkuntza prozesuan bidea zabaltzea eta bailarako proiektuei ahotsa ematea.
Horregatik, Urumeako sortzaileei luzatu diete deialdia azokan postua jartzera animatzeko. Joan den ostiralean ireki zen izena emateko epea, eta, dagoeneko, mordoxka bat izen daude zerrendan.
Bertako garagardoa, bitxiak, ilustrazioak, apaingarriak...
Goizetik hasita eguerdira arte izango da azoka, eta egun berezia izatea espero da. Izan ere, denetarik ikusi eta erosi ahal izango da Gabonen bezperan. Besteak beste, postuetan izango dira bertako garagardoa, bitxiak, apaingarriak, ilustrazioak, konplementuak, liburuak, umeentzako produktuak, musika, eta beste asko.
Horregatik, sortzailea baldin bazara eta parte hartzeko interesa baldin baduzu, animatu eta bidali mezua Kronikako helbidera. Postua musutruk jartzeaz gain, herritarrekin harremantzeko eta bide berriak zabaltzeko aukera ezin hobea izango duzu.