Asteburuan CD Hernaniko esku pelotariek jardunaldi ona izan zuten. Hamar garaipen eta bederatzi porrot izan zen jardunaldiko azken balantzea, partidu garrantzitsuak irabazita.
Jardunaldi honetako emaitzarik onena Xabier Apaolaza eta Mikel Lasa seniorrek lortu zuten. Sailkapen faseko azken partidua 22-13 irabazi zioten Azkoitia klubeko bikoteari, eta garaipen honekin azken fasea jokatzeko sailkatu dira.
Xuban Iturbe eta Oier Azpeitia kadeteen garaipena ere azpimarratu behar da: 22-15 irabazi zioten Bergara klubeko bikoteari, partidurik galdu gabe jarraitzen dute, eta euren multzoko liderrak dira.
Eta azkenik, errendimenduko pelotarien sailkapen fasea amaituta, Oier Arsuaga alebina eta Manex Martin, Joseba Arretxe, Oinatz Gaskon, Oier Macicior eta Ekhi Oses infantilak Gipuzkoako Txapelketako azken fasea jokatzeko sailkatu dira.