Asteburu honetan Hernaniko mutil jubenilek, Nazional mailan, Reala B-ren aurka jokatuko dute Zubipen. Gaur, 16:30etan hasiko da partidua; eta aurreko astean Danok Bat-en kontra 1-3 irabazi eta gero, bigarren garaipena jarraian lortu nahi dute. Zaleen bultzada beharrezkoa da txuriurdinak oso talde sendoa direlako. Hain justu, liderrak dira eta Hernani, berriz, azkenaurreko postuan dago kokatuta, beste hiru talderekin berdinduta.
Zubipen ere, Ohorezko Erregionalean, neskek Leintz Arzimendiren bisita jasoko dute bihar, 16:00etan. Hernaniarrak hirugarrenak dira sailkapenean.
Ohorezko Erregionalean jarraituta, baina, mutiletan, Hernanik gaur, 18:00etan, Bergaran du partidua. Hernani goiko postuetan dago eta bergararrak azkenaurrenak dira. Bestalde, Gorengoen mailan, Mundarroko mutilek Orion dute partidua gaur, 17:30etan; eta Hernanik Zumaiako du aurkari gaur, 19:00etan. Mundarroko neskek, Gorengoen mailan, Irauli durte aurkari gaur, 12:30etan.