Martxan da, dagoeneko, Errigoraren udazkeneko kanpaina. Azaroaren 11ra arte egongo da irekita eskaerak egiteko epea. Goizuetan, Amaia kafetegian, estankoan eta arropa dendan eskatu daitezke. Hernanin, berriz, AEK euskaltegira bertaratuta egin daiteke eskaria. Eta bestela, online ere egin daiteke errigora.eus webgunean. Hiru saski daude aukeran: beltza, berdea (ekologikoa) eta zuria. Horien balioaren %25 Nafarroa hegoalde erdialdeko euskalgintzara bideratuko da.