Denboraldiko bigarren garaipena lortu zuen Hernanik, larunbat arratsaldean, mutilen Gipuzkoako lehenengo mailan: 49-66 nagusitu zen Donostian, Bosteko Irauliren kantxan. Primeran ekin zioten hernaniarrek, aurreneko laurdenean 10-20 aurreratuta; eta atsedenaldira 23-34 iritsi ondoren, hirugarren laurdenean utzi zuten partidua erabakita (32-52).
Mundarrok, aldiz, ezin izan zuen estreinako garaipena lortu, ostiralean, nesken Gipuzkoako lehenengo mailan. 42-49 galdu zuen etxean, Takeren kontra. Ondo ekin zioten, eta aurreneko laurdenean 12-8 nagusi izan ondoren, aurretik iritsi ziren atsedenaldira (22-21). Baina aldageletatik bueltan, gehiago izan ziren tolosarrak, eta ihes egin zien garaipenak astigartarrei