Eliteko finalean, Arrieta eta Irazustabarrena

Emakumezkoen Euskal Herriko Elite Txapelketa ari dira jokatzen Amaia Irazustabarrena eta Ariane Arrieta hernaniarrak; eta biak sailkatu dira final haundira. Elkarren kontra ariko dira, final horretan: Nagore Martinekin jokatuko du Arrietak, eta Maider Mendizabalekin Irazustabarrenak.

Bikoteak aldatuz aritu dira txapelketan zehar, eta ostiralean lortu zuen bigarren txartela Irazustabarrenak; hain justu, Mendizabalekin batera irabazita, Laura Saez eta Leire Galdosen kontra (30-19).

Gipuzkoako Txapelketan, be­rriz, jokatutako sei partiduetatik bi irabazi dituzte bailarako palistek. Nagusien bigarren mai­lakoa irabazi zuten Hernaniko Ekhine Balerdik eta Ainhoa Urienek (30-14); eta jubenilena Enara Macicior eta Alaitz Barrenetxea hernaniarrek (30-7). Aldiz, galdu egin zuten Laia Garmendia eta Irati Miner hernaniarrek, jubeniletan (15-30); Iker Zurutuzak eta Ander Arandiak, nagusien bigarren mailan (24-25); eta Eider Otaegi eta Eli Gutierrez hernaniarrek (20-30) eta Izaro Arraras eta Maialen Eldua astigartarrek (15-30), nagusien bigarren mailan.