Irunen daukate hitzordua gaur, Hernaniko mutil seniorrek, ligako laugarren partidua jokatzeko, Gipuzkoako bigarren mailan: Txingudiren kontra ariko dira, Artaleku kiroldegian, 18:15etan.
Aurreko asteburuan lortu zuten estreinako garaipena hernaniarrek, Urolari 34-21 nagusituta; eta horrek emandako konfiantzarekin joango dira Irunera. Ez daukate partidu erraza, edonola ere: jokatutako bi partiduak irabazi ditu Txingudik, hasi berri den denboraldian.
Jubenil mailako taldeei dagokienez, atsedena daukate Hernaniko neskek, eta Donostian jokatuko dute mutilek, Saiekoren kontra, La Salle kiroldegian; bihar izango da hori, 11:45etan.
Eta kadete mailan, Hernaniko neskak izango dira etxean aritzen bakarrak. Leizaran hartuko dute gaur, 10:15etan kiroldegian. Mundarroko neskek, Elgoibarren jokatuko dute bihar, 11:30etan Olaizaga kiroldegian, Elgoibarren kontra. Eta Hernaniko mutilek, Eibarren daukate hitzordua gaur, 11:45etan Unibertsitate Laboralean, Arrate Eibarren kontra jokatzeko.
Irunen ariko dira gaur, Hernaniko mutil seniorrak
Artaleku kiroldegian jokatuko dute, Txingudiren kontra, 18:15etan hasita.
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!
Egin zaitez KronikaKide!