Gipuzkoako Taldekako Txapelketa ari dira jokatzen Ur Mia eta Elur Txori taldeak, eta pasa den asteburuan Elur Txorik 11-5 irabazi zion Lasarteko Ostadarri. Ereñotzuko Ur Miak atsedena izan zuen A multzoan.
Hernaniko Elur Txori, berriz, Beheko B multzoan ari da eta lehenengo jardunaldian Zarautzi irabazi eta Ostadarren aurka galdu eta gero, hiru punturekin bigarren zegoen sailkatua.
Lasartearrek jardunaldi horretan 10-6 irabazi zuten, baina asteburu honetan hernaniarrak gailendu dira: 11-5.
Horrek esan nahi du sailkapenean berdindu egin dituztela lasartearrak sei punturekin eta gainera puntuazio hobea lortu zuten.
A multzoan Ur Miak sei puntu ditu eta Zarautz 2 taldeak ere, Ategorrieta garaitu eta gero, sei ditu, baina jardunaldi bat gehiago jokatu ondoren.
Guztira lau multzo daude, A eta B multzoak Beheko eta Goiko taldeetan. Sei jardunaldi jokatuko dira guztira eta multzo bakoitzean puntu gehien dauzkan taldeak sailkatuko dira finalera. Hortaz, lau talde ariko dira final haundian.