Hernani eta Mundarroko taldeek ez dute nahi bezala hasi denboraldia. Asteburuan garaipen bakarra lortu dute, Hernaniko kadete mutilek 27-21 Bera Beraren aurka. Beste talde guztiek galdu egin dituzte euren partiduak. Hernaniko bigarren mailako senior taldeak Pulporen aurka jokatu zuen kiroldegian eta 25-28 galdu zuten. Partidu parekatua izan zen, baina zumaiarrak agindu zuten markagailuan.
Beste mailetan ere, emaitzak ez ziren onak izan. Kadete nesketan, Mundarrok 13-23 galdu zuen Jaujaren aurka eta Hernanik 25-16 amaitu zuen Tolosan.
Jubenil mutiletan, Hernanik 33-38 galdu zuen Elgoibarren aurka eta jubenil nesketan, Andoainen, Hernanik hamabi goleko aldearekin galdu zuen, 42-30. Aurreko lerroetan aipatu bezala garaipen bakarra mutil kadeteek lortu zuten. Infantil neskak ere erraz galdu zuten Pulporen kontra.