Mendialdeko hainbat herritara iritsi da Mendialdeko Azoka Ibiltaria, martxan jarri zutenetik; besteak beste, Goizuetan ere izan da. Eta oraingoan, Beuntzan eginen du geldialdia. Etzi izanen da hori. Goizeko 10:30etarako prest egonen dira postuak, eta eguerdiko 14:00ak arte izanen dute aukera herritarrek bertaratzeko.
Makina bat postu izango dira bertan: elikagaien postuak batetik, eta artisautzarekin lotutakoak bestetik. Azokaz gain, goizeko 09:30etan mendi irteera ere antolatu dute, eta epaiz egur mozketaren erakustaldia ere eskainiko da. Eta azokan bertan, izanen dira haurrentzako herri kirolak (12:00), Zurgai elkartearen trontza eta aizkora erakustaldia (12:30), eta Aralar Musika Eskolaren emanaldiak.