Done Laurendiren malkoak izenez ere ezagunak dira pertseidak, eta gaurkoa izango da horiek ikusteko urteko egunik hoberena. Izan ere, ilberria (abuztuak 8) baino egun batzuk geroago gertatuko dira izar-iheskorren zaparradak, eta ezin hobeto ikusiko dira zeruan.
Aukera aprobetxatuz, Aranzadi Zientzia Elkarteak Chillida Lekun jarri du hitzordua, pertseidak ikusteko. Laser erakusle bat eta ikusteko pantaila duen teleskopio bat erabiliko dute, konstelazioak behatzeko. Sarrera aldez aurretik erosi behar da, eta Biterin dago sagai, 10 euroan.
Pertseidak ikusteko, gomendatzen da zeru iluna duen leku aproposa topatzea. Alegia, argi-kutsadura gutxi dagoen leku bat. Bailaran, esaterako, egokiak izan daitezke Santa Barbarako eta Santiomendiko ermitak ere.