Ansa II.ak Zubiri hartu zuen mendean, 30-26, Kutxabank Sari Nagusiko Buruz Buruko Txapelketaren aurreko ligaxkako lehenengo partiduan. Urnietakoak lau puntu lortu zituen, eta Goizuetako atzelariak bat.
Zubirik gehiago merezi izan zuen, partidu bikaina jokatu baitzuen eta peloteoan Ansa II.a menderatu zuen. Lehia ederra izan zen eta bi pelotariek hasiera ona eman zioten banakako txapelketari. Zubiri peloteoan hobeto aritu arren, sakeak kalte egin zion. Ansa II.ak hobeto atera zuen eta zazpi tanto egin zituen, Zubirik ordea bakarra. Gainera, sake faltetan, Urnietako aurrelariak hiru egin zituen goizuetarrak berriz lau