Bihar, Hernanin eta etzi asteartean, Goizuetan odol emateak izango dira. Hernanin Iturolan egingo dituzte (Gabriel Zelaiaren atzean), 16:30etatik 20:10etara; eta hitzordua goizean hartu behar da, 943 00 78 84 telefonora deituta. Etzi autohemotekarekin iritsiko dira Goizuetara, 17:30etatik 20:30etara. Harrera mediku kontsultan eta plazan eginen da odol ematea eta hitzordua eskatu behar da 848 42 05 73 telefonoan edo www.adona.es web orrian.