Espainiako gastronomian adituak diren talde batek aukeratu ditu lehen 1.000 soleteak, Repsol Gidak sortu duen kalifikazio berria. Horien artean sartu dira Zelaia eta Astarbe sagardotegiak eta baita Urnietako Besabi jatetxea, Euskal Herriko beste 108 establezimendurekin batera.
Kalifikazio horrek arreta lagun bati gomendatuko litzaizkiokeen lokaletan jartzen du arreta hala nola txosnak, terrazak, izozki-dendak, kafeak, ardotegiak, barrak edo tabernak, eta goi mailako gastronomiaren kategorian sartuko ez liratekeenak.
«Gertukoak, eskuragarriak, erosoak, atseginak eta goi mailako gastronomiatik kanpo daudenak»
Horrela, Soleteak edo Soletes espainiar estatuko berrogeita hamar probintziatan identifikatu dituzte, «Zonaldea eta bertan ugariak diren lokal motak ezagutzen dituenaren bermearekin», diote gidaren arduradunek. Horietatik 111 Euskal Herrian daude. 20 Nafarroan, 16 Araban, 25 Bizkaian eta 50 Gipuzkoan.
Merkaturatze honekin, gida gastronomikoak gero eta haundiagoa den eskaerari erantzuten dio, hain zuzen ere, hainbeste leku eroso bereizten dituelako, non janari ona, giro ona eta hurbiltasuna nabarmentzen diren.
«Huts egiten ez dizuten leku horiei balioa emateko eta ikusgarritasuna emateko beharra zegoen. Eskuragarriak dira, egunerokoak, gure auzo, merkatu edo herrietan ditugunak, eta ez dira agertzen gida gastronomikoetan eta bidaietan», azaldu zuen aurkezpenean, Madrilen, Maria Ritter Repsol Gidaren zuzendariak.
Ekainaren amaieran egin zen aurkezpena eta lokal horiek guztiak bereizgarri bat izango dute eguzki bat agertuko den eranskin batekin.