Igandean amaitu ziren Martindegiko jaiak kalejira batekin. Egunean zehar haurrentzako Shakti Olaizolaren Baldin Bada kale ikuskizuna eskaini zen eta arratsaldean herri kirol saioa egon zen. Harrijasotzen Aimar Galarraga eta aizkoran Julen Alberdi Txikia IV, Basozabal eta Axel Larrañaga ibili ziren. Ondoren Amets Arzallus, Unai Agirre, Oihana Iguaran eta Alaia Martin bertsolariak jardun ziren.