Gaur emango dira amaitutzat Martindegi auzoko jaiak. Hala ere, makina bat ekintza daude prestatuta, azken egunaz gozatzeko.
Eguerdiko 12:00etan, Shakti Olaizolaren Baldin Bada kale ikuskizuna eskainiko da. Arratsaldean berriz, herri kirolak antolatu dira. Harria jasotzen Aimar Irigoienek jardungo du, eta aizkoran, Julen Alberdi (Txikia), Markel Zapirain eta Axel Larrañagaren aurka ariko da.
Behin herri kirolak amaituta, Amets Arzallus, Unai Agirre, Oihana Iguaran eta Alaia Martinen bisita izango dute Martindegiko auzotarrek. Bertsolarien doinuekin eta jarraian egingo den kalejirarekin, amaitutzat emango dira Martindegiko jaiak.