Kasu positiboen gorakadak bere isla izan du, asteburuko datuetan ere. Gaur eman ditu Osakidetzak, aurreko hiru egunetako datuak: 92 positibo berri izan dira Hernanin, eta 22 Astigarragan. Bi herrietan, ostiralean izan ziren kasu gehien: 52 Hernanin, eta 15 Astigarragan.
Ordutik, beherako joera hartu dute positiboek Hernanin. Ostiraleko 52 horien ondoren, 26 kasu berri izan ziren larunbatean, eta 14 igandean. Edonola ere, gora egiten jarraitu du intzidentzia-tasak, eta 1381,44koa da une honetan.
Astigarragan ere, beherakada izan da ostiraleko pikoaren ondotik: 2 positibo izan ziren larunbatean, eta 5 igandean. Datu horiekin, eremu gorrian sartu da Astigarraga ere, eta 524,42ko intzidentzia-tasa dauka une honetan.
Goizuetan, berriz, positibo berri bat atzeman zuten atzo, pandemia hasi zenetik 13garrena.