Zikuñaga Papelera txapelketan, bitik bi garaipen lortu zituzten bailarako bikoteek, larunbatean. Kadeteetan, Xuban Iturbe hernaniarrak eta Xuban Goñi astigartarrak 18-3 irabazi zuten, Intzako Diaz de Gereñu-Elosegire aurka. Eta nagusietan, Josu Altuna eta Mikel Lasa hernaniarrek emaitza berberarekin garaitu zituzten Alde Zaharrako Gabirondo-Huegun. Gaur laugarren jardunaldia jokatuko da kiroldegian, 18:00etatik aurrera. Hiru partidu izango dira, eta kadeteetan, Auritz Txintxurreta eta Oier Azpeitia hernaniarren txanda izango da.