Eskuz ez bezala, palan Herriarteko kanporaketan ez dituzte bideratuak ez Astigarragak, ezta Hernanik ere. Alderantziz bai batzuk eta bai besteek 2-1eko desabantaila dute Aia eta Soraluzerekiko. Astigarragak gaur, Txomiñenean 10:00etatik aurrera. buelta eman nahi dio kanporaketari Aiako palisten aurka. Hernaniarrek berriz kiroldegiko frontoian jokatuko dute 16:45etatik aurrera.
Palan hiru partiduak banaka, 7an barruan eta binaka jokatzen dira. Astigarragak 20-12 galdu zuen banaka, 6-20 irabazi zuen binaka eta 20-14 galdu zuen zazpi barruan. Beraz 2-1 irabaziz gero lortuko luke kanporaketa pasatzea seguruenik.
Hernanik zailagoa du buelta ematea. 20-23 eta 20-7 galdu zituen binaka eta zazpi barruan eta banakakoan 19-20 irabazi zuen. Hernaniarrek oso zaila dute kanporaketari buelta ematea.
Goizuetan gaur 19:00etan hasita, Umore Ona txapelketaren lehenengo edizioko hiru partidu izanen dituzte.