Aurreratu egin dute matrikulazio epea, Haurreskoletan; eta apirilaren 12tik 21era izango da, irailean, urrian edo azaroan hasi nahi dutenentzat. 2020 eta 2021 urteetan jaiotako haurren gurasoek edo legezko tutoreek eskatu dezakete plaza, Haurreskolak Partzuergoko zentroetan; tartean, Hernaniko eta Astigarragako Haurreskoletan. Eskaerak Haurreskolan bertan entregatu daitezke; edota online egin, haurreskolak.eus atarian. Ekainaren 2an argitaratuko dituzte behin behineko zerrendak.