'Zaintza pandemia garaian' erakusketa, bihartik ikusgai

Bi astez egonen dira ikusgai, Aranon eta Goizuetan, azaroan egin zen lehiaketako argazkiak eta haurrek egindako lanak.

Izan Bhutan proiektuaren baitan, Zaintza pandemia garaian gai hartuta, argazki lehiaketa egin zuten Aranon eta Goizuetan, urrian eta azaroan. Eta aldi berean, gaia landu zuten Xalto eskolan ere, eta artelanak egin zituzten horren inguruan.

Lan horiek argitara emateko garaia da orain, eta lehiaketako argazkiekin zein haurrek egindako lanekin, erakusketa paratuko dute martxoan zehar, Aranon eta Goizuetan.

Goizuetan, bihar bertan paratuko dituzte argazkiak eta artelanak, garbilekuan; eta hila­ren 17ra arte egonen dira ikusgai bertan. Aranon, berriz, elkarteko arkupeetan egonen da erakusketa, asteartean hasi eta martxoaren 21era arte.

Erakusketak antolatu dituz­te Gizarte Zerbitzuen Mankomunitateak, Aranoko eta Goizuetako Udalek, Xalto eskolak, Goizuetako jubilatu elkarteak eta Goizuetako emakume talde­ak. Martxoaren 8ari begira prestatutako egitarau­a­ren barruan kokatu dute erakusketa.

Abenduan egin zuten, Goizu­etako frontoian, argazki lehiaketako sarien banaketa. Klown ikuskizuna ere izan zuten, Pantxika Lamurren eskutik.

Kronika egunero, euskaraz eta doan jasotzen segi ahal izateko, Kronikalari gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez Kronikalari!