Txirrindularitzan errepideko denboraldia asteburu honetan hasiko dute afizionatu, junior eta kadeteek. Honela, gaur goizean, elite eta 23 urtez azpiko txirrindulariak Zumaiako saria jokatuko dute, Euskaldun Trofeoko lehenengo lasterketan. 112 kilometroko ibilbidea dute eta Hernani eta Astigarragako txirrindulariak daude partehartzaileen artean. Junior eta kadeteek bihar izango dute txanda. Juniorrek, Eibarren dute lasterketa eta kadeteek Donostian, Zuatzu poligonoan. Biak goizean izango dira.