Bihar eta etzi greba deitu dute EAEko eskola-garraioan eta jantokietan

ELA sindikatuak bi greba egun deitu ditu EAEko ikastetxe publiko, pribatu eta itunduetako jantokietan eta eskola-garraioan. Lanuzteak bihar, otsailaren 23an, eta etzi asteazkenean, otsailaren 24an, egingo dituzte, euren aldarrikapenei Hezkuntza Sailak eta sektoreko patronalek emandako «erantzun eza» salatzeko.