Tenperaturak nabarmen egin du behera azken asteetan Urumea bailara osoan. Astebururako oraindik ere gehiago jaitsiko dira tenperaturak, eta Euskal Autonomia Erkidegoan alerta horia iragarri dute. Nafarroan berriz, alerta naranja ezarri dute -10 gradu arteko tenperaturagatik.
Gaur, elurra egingo du maila baxuetan, 200 metrotik behera, batez ere, egunaren bigarren partean eta barnealdean, eta elurra Euskal Herriko hondartzetan ere ikusteko parada izango da. Prezipitazioak hegoaldetik helduko dira eta, goizean zehar prezipitazio gutxi botako du. Arratsaldetik aurrera, ordea, denean egingo du.
Nafarroan, alerta naranja
Hotzagatik, elurragatik eta haizeagatik alerta naranja ezarri dute, eta asteburuan ere hotzetik jarraituko du. Foru Gobernuak protokoloak aktibatu ditu eta herritarrei «alferrikako mugimenduak» saihesteko eskatu die.