Egitarau berezia izan dute Hernaniko eta Astigarragako Gaztelekuek, Gabonetako oporraldiaren hasieran; eta atseden ere hartu dute, egun seinalatuetan. Astigarragan, urtarrilaren 2an ekin zioten urte berriko programari, eta gaur jai egingo badute ere, bihar emango diote segida, lagunkirekin, 17:00etatik 20:00etara. Hernanin, aldiz, gaur arte egon da itxita Gaztelekua, eta bihar ekingo diote urtarrileko programazioari. Baina hilaren 21era arte, lokala itxita izango dute, obrak tarteko; eta beste toki batzuetan egingo dituzte jarduerak. Bihar, esaterako, topagunea egingo dute Biterin; eta etzi txapa tailerra, kultur etxean hori ere, 16:30etatik aurrera.