Gabonetako gainerako egun seinalatuetan bezala, neurri bereziak ezarri ditu Eusko Jaurlaritzak, gaurko eta biharko ere. Horrela, bi egunetan, arratsaldeko 18:00etan itxi beharko dituzte dendak zein jatetxe eta tabernak, beranduenez. Bihar, gainera, ezingo dituzte ireki goizeko 09:00ak baino lehen. Nafarroan, berriz, azkeneko asteotako neurri berberak izango dira indarrean, egun hauetan ere: iluntzeko 21:00etan itxiko dituzte dendak, eta 22:00etan tabernak eta jatetxeak.