Leitzako Gazte Plana osatzeko prozesuak aurrera jarraitzen du eta datorren astean, bi saio ireki eginen dira.
Irailean hasitako prozesua fase ezberdinetan ari da garatzen. Lehenik gazteen errealitatea ezagutzeko diagnostikoa osatu da, eta horretarako gazteek galdetegi bat bete dute. Horrez gain, hainbat elkarrizketa ere egin dira, azaroan zehar.
Orain, planifikazio fasea
Planifikazio fasean sartuta, gazteei bideratutako bi saio ireki eginen dira. Lehena, bihar izango da, arratsaldeko 18:00etan Leitzako Herri Aretoan, hain zuzen. «Leitza eta Aresoko 12 eta 30 urte bitarteko gazteei zuzenduta».
Bigarrena asteazkenean eginen da Goizuetako Udaletxean, arratsaldeko 18:00etan hasita. Saio hau berriz, Goizuetako eta Aranoko gazteentzat zuzendutako saio irekia izanen da.
Parte hartzeko deialdia
Eskualdeko gazteei saio irekietara parte hartzeko deia luzatu nahi izan die Gazte Planeko antolatzaileek. «Saio hauen bidez, lortu nahi da bereziki gazteak bere ekarpena egitea Gazte Planean, ikuspuntu ezberdinak hausnarketara batu, eta planean txertatzeko proposamenak eginez», azaldu dute.