Euskaraldiko txapak banatzeari ekin diote Hernanin, dagoeneko; eta gaurkoan, ereñotzuarren txanda izango da: arratsaldean banatuko dituzte txapak auzoan, 16:15etatik aurrera.
Hori horrela, gaurkoan ez dute txaparik banatuko Hernanin, Euskara Ari Duren bulegoan; baina bai bihartik ostiralera bitartean. Asteartean eta asteazkenean, bertan egongo dira goizeko 11:00etatik 13:00etara, eta arratsaldeko 15:00etatik 19:00etara. Ostegunean, berriz, txapak jasotzeko aukera izango da 11:00etatik 13:00etara eta 15:00etatik 17:30etara. Eta ostiralean, azkenik, goizez jaso ahal izango dira, 09:00ak eta 13:00ak bitartean.
Larramendi kaleko 11garren zenbakian dauka bulegoa, Euskara Ari Duk.