'Kontzertu bat bertsotan' emanaldia eskainiko dute Eli eta Manex Pagolak bihar. Ereñotzuko frontoian izango da, 20:00etan hasita. Kontzertua doakoa da, baina gonbidapenak aldez aurretik eskuratu behar dira. Horretarako, 688 780 356 deitu behar da. Elik sortu ditu bertsoak eta Manexek jarri die musika, beraz, anai-arrebek sortutako emanaldia da bihar eskainiko dutena. Sortutako abestiekin diskoa ere kaleratu dute, eta eskuragarri dago jada.