Hernaniko Bertso Eskolak, bertsoei indarra emateko ekimen bat antolatu du, jada martxan da eta abendura arte iraungo du. Lehenengo pausua puntua jartzea izango da, eta puntu horri, bertso batek erantzungo dio. Horrela, «bertso kate moduko bat sortu arte».
Aurreneko puntua, Ioritz Nazabalek, Ekain Tolaretxipiri jarri dio, eta honakoa da: Zer moduz hasi duzu aurtengo kurtsoa?
Eta hau izan da, Ekain Tolaretxipiren erantzuna:
Lehen ebaluaketa
aurrera badoa,
nahiz bukatzeko ere
badeten gogoa
aurtengoa izan da
pixkat arraroa.
Ekainek, Garaziri jarri dio puntua: Maskarillakin gabiltz bai gau ta bai egun.
Orain Garaziren txanda da, puntu honi erantzun beharko baitio.