Gaur arratsaldean, bi pleno izango dira Urumea Bailaran, Astigarragan eta Hernanin hain zuzen. Bi plenoak telematikoak izango dira eta arratsaldeko 19:00etan emango zaie hasiera.
Hernaniko plenoaren kasuan, gai-zerrendan landuko diren edukien artean, Hernaniko Udal eraikinen garbiketa zerbitzuko kontratuaren aldaketa landuko da.
Astigarragan aldiz, hainbat gai jorratuko dira, hala nola, RPTaren eta plantila organikoaren egokitzapena: hasierako onarpena; Hiri Antolaketako Plan Orokorraren HEA 22 Urdaburu Zabalpena eremuaren aldaketa; Ergobia inguruan Urumea ibaiaren uholdeen aurkako hiri-drainatze sistema eraikitzeko proiektua; 2021. urterako autotaxi zerbitzuaren tarifa; Kale-izendegiaren aldaketa, eta adierazpen instituzionala emakumeen aurkako indarkeria ezabatzeko nazioarteko egunaren ingurukoa, besteak beste.