Haize bolada gogorrek gorabeherak eragin dituzte azken orduetan, Urumea bailaran ere. Goizueta inguruan, esaterako, zuhaitz ugari erori dira gauean zehar, eta lanean jardun dute suhiltzaile boluntarioek, errepidea eta baserrietarako bideak garbitzen.
Goizuetatik Hernanirako errepidean, ordea, zailtasunak daude oraindik, zuhaitz haundi bat erori delako, eta bidea oztopatzen duelako. Kotxeak eta furgonetak pasa daitezke, baina kamioiak ez. Errepideetako zerbitzuen zain daude, kendu ahal izateko.