Azkenaldiko mendi lasterketa apurretako bat jokatu zen igandean Larraitzen: Ordiziako mendi maratoi erdia. Eta bertan izan ziren, Urumea bailarako hiru korrikalari. Haietako bat, gainera, onenen artean ibili zen lasterketa osoan, eta baita podiumera igo ere: hirugarren sailkatu zen Hodei Lujanbio goizuetarra, 1:44:44 denborarekin, Martin Diez segurarraren eta Iñaki Olano altzotarraren atzetik. Denboraldiari bukaera bikaina eman dio goizuetarrak, horrela.
Primerako mailan aritu zen Xabat Pagola hernaniarra ere, eta 28garren sailkatu zen, 1:58:44 denbora eginda. Eta minutu gutxira helmugaratu zen Gonzalo Alzaga herrikidea ere, 2:05:55 denboran osatuta Larraitzetik Alotzara eta Igaratzara eraman zituen ibilbide gogorra.