Landa Eremuko Emakumeen Nazioarteko Eguna da gaur, eta horren harira, emakume baserritarren topagunea izango da Leitza. 11:00etatik 13:00etara elkartuko dira Atekabeltzen, eta deialdia luzatu diete 14 herritako emakume baserritarrei, bertaratu eta parte hartzeko: Araitz, Arano, Areso, Anue, Atetz, Basaburua, Goizueta, Imotz, Lantz, Larraun, Lekunberri, Leitza, Odieta eta Ultzama.