Joan den astean izan zuten hitzordua, Ereñotzuko eta Hernaniko odol emaileek, eta guztira, 53 estrakzio egin zituzten. Hernaniarrek, asteartean izan zuten hileroko zita, Goiz Eguzkin; eta oraingoan, 39 herritar gerturatu ziren, aurrez ordua eskatuta, odola ematera.
Ereñotzun, berriz, asteazkenean izan zuten odola emateko aukera, eta 14 auzotar izan ziren, Auzo Etxera hurbildu zirenak; apirileko hitzorduan baino bost gutxiago.
Hernaniko Odol Emaileen Elkartetik jakinarazi dute, bestalde, elkartearen Gabonetako loteria eskuragarri dagoela, Portalondo estankoan eta Kutixi kafetegian; eta azaroko odol ematean ere izango dela erosteko aukera, Goiz Eguzkin bertan.