Datorren osteguna, urriaren 15a, izanen da Landa Eremuko Emakumeen Nazioarteko Eguna. Eta hori ospatzeko, hitzordua jarri dute Leitzan: emakume baserritarren topagunea antolatu dute, Atekabeltzen, goizeko 11:00etan hasi eta 13:00ak arte. Saioa antolatu dute LAGA (Leitza, Areso, Goizueta eta Arano) Gizarte Zerbitzuek, Bertatik bertara Dinamikak, Cederna Garalurrek eta Ultzamako Gizarte Zerbitzuen Mankomunitateak.
Hori horrela, deialdia luzatu diete 14 herritako emakume baserritarrei, bertaratu eta parte hartzeko: Araitz, Arano, Areso, Anue, Atetz, Basaburua, Goizueta, Imotz, Lantz, Larraun, Lekunberri, Leitza, Odieta eta Ultzama. Saio horretan, landuko dituzte aurrera begirako egitasmoak: egutegia, tailerrak...