Hernaniko palistak lau partidu jokatuko dituzte asteburuan zehar. Horietako bi, gaur, etxetik kanpo izango dira, eta beste bi, bihar, kiroldegiko frontoian. Aste honetan mutilek atsedena dute eta beraz partidu denak neskenak izango dira.
Kanpoan hasiko dute asteburua hernaniarrek. Gaur, goizeko 10:30etan, Ataungo Auzoeta frontoian etxeko taldea eta Hernani 2 neurtuko dira gomazko paletan, nagusien bigarren mailan. 30 minutu beranduago, 11:00etan, Anoetako Alkartasunan, lehenengo mailako neska nagusietan, Su-Berri 1 eta Hernani 2 taldeak nor baino nor ariko dira.
Hernanin jokatuko dira igandeko bi partiduak. 11:00etan, lehenengoak kantxaratzen neska jubenilak izango dira eta hernaniarren arteko lehia egongo da; Hernani 1, Hernani 3ren aurka. Ondoren, neska nagusien lehenengo mailakoa jokatuko da eta hemen Hernani 1 eta Su- -Berri 2 neurtuko dira. Partidu hau koronabirusagatik atzeratu zen bere garaian.
Koronabirusagatik, asteburu honetan, atzeratu dena Intxurren aurka jokatu beharrekoa izan da.
Eta azkenik, atzo Astigarragako frontoian Mundarroko eta Hernani 4 taldeen artean partidua jokatu zen.